Cartas do CárCere - Estaleiro Editora

vraria para fazer as encomendas. enviei-che há algum tempo
umha listagem de livros para encomendares; entre outras cousas,
havia também a reclamaçom do fascículo de setembrooutubro
de Riforma Sociale, que foi extraviado. Nom me mencionache
até agora este assunto: escreveche? ou nom pudeche
escrever, por umha razom qualquer? seja como for, pido-che
que me mantenhas informado, para eu saber como guiar-me.
Quereria ter-che escrito já que assinasses também a La Cultura
(soc. editora La Cultura, Via Cappellini, 14, Milám), para
a qual tenho a autorizaçom, mas nom cho escrevim até agora,
precisamente porque nom tivera resposta às encomendas que
mencionava. se se tratar apenas de um esquecimento teu, podes
escrever agora.
Quero precisar melhor umha afirmaçom minha a propósito
da psicanálise, que nom expliquei suficientemente, visto
que causou um equívoco, como parece pola tua carta de 23
de fevereiro. eu nom dixem que estivesse demostrado que o
tratamento psicanalítico se adapte somente aos casos de elementos
chamados «humilhados e ofendidos»; nom sei nada
a propósito e nom sei se alguém até agora colocou a questom
nesses termos. som algumhas reflexons pessoais minhas, nom
verificadas pola crítica mais fidedigna e gerada cientificamente
da psicanálise, que che apresentei para explicar a minha atitude
em relaçom à doença de Giulia: esta atitude nom é pois
tam pessimista como che pareceu e nomeadamente nom foi
baseada em fenómenos de ordem tam primitiva e tam baixa
como che levou a crer a expressom «humilhados e ofendidos»,
que empreguei pola sua brevidade e apenas como umha referência
genérica. eis o meu ponto de vista: creio que todo aquilo
que de real e concreto se pode salvar do échaffaudage [sic]
psicanalítico pode e deve restringir-se a isto, à observaçom da
devastaçom que causa em muitas consciências a contradiçom
316