Cartas do CárCere - Estaleiro Editora

ambiente social que exige de maneira permanente umha tensom
da vontade extremamente forte. opino, em resumo, que a
dia de hoje estás obcecada polo sentimento das tuas responsabilidades,
que fai que as tuas forças sejam inadequadas para os
deveres que queres cumprir, extravia-te a vontade e esgota-te
fisicamente, colocando toda a tua vida ativa num círculo viçoso
em que realmente (mesmo se parcialmente) queimas as forças
sem resultado, ao serem aplicadas de maneira desordenada.
Mas penso que, contudo, conservache as forças e a vontade
suficientes para superares por ti própria estas dificuldades em
que te encontras. Umha intervençom exterior (exterior apenas
num certo sentido) facilitaria-che a tarefa: por exemplo, se tatiana
fosse viver contigo e te convencesses concretamente de
que as tuas responsabilidades diminuírom de facto; por isso
insisto a tatiana para que se decida a partir, como lhe insisto
para que se ponha em condiçons de poder reunir-se contigo
numhas condiçons de saúde tais que lhe permitam depressa
ser ativa: de outra maneira, acho que toda a situaçom pioraria,
em lugar de melhorar. Porém, insisto em afirmar o meu
convencimento de que subestimas a tua própria força real, e
que és capaz de superares a atual crise por ti própria. sobreestimache
a tua força no passado e eu parvamente deixei-che
fazer (agora digo parvamente, mas naquela altura nom achava
ser parvo); agora despreza-la, porque nom sabes adequar concretamente
a tua vontade ao fim a atingir e nom sabes graduar
os teus fins, porque estás algo obcecada. Querida, sei mui bem
que isto tudo que che escrevo é inapropriado e frio. sinto a
minha impotência para fazer algo real e eficaz que te ajude;
debato-me entre o sentimento de umha imensa tenrura por
ti, por umha debilidade que me parece deve ser consolada de
imediato com umha carícia física, e o sentimento de que é necessário
que faga um grande esforço de vontade para conven-
233