Cartas do CárCere - Estaleiro Editora

imponente no após-guerra, quando parece que o grupo dirigente
tradicional nom é capaz de assimilar e digerir as novas
forças expressadas polos acontecimentos. Mas este grupo dirigente
é mais malin e capaz do que se podia pensar: a absorçom
é difícil e gravosa, mas acontece contudo, por muitas
vias e com diferentes métodos. a atividade de Croce é umha
destas vias e destes métodos; o seu ensino talvez produza a
maior quantidade de «sucos gástricos» aptos à obra de digestom.
situada numha perspetiva histórica, da história italiana,
naturalmente, a laboriosidade de Croce apresenta-se como a
mais potente máquina para «conciliar» as forças novas com os
interesses vitais (nom apenas imediatos, mas também futuros)
que o grupo dominante possui e que eu penso que aprecia
justamente, apesar de algumha aparência superficial. Quando
se fusionam corpos diferentes, dos quais se deseja obter umha
liga, a efervescência superficial indica precisamente que a liga
se está a formar, e nom ao contrário. Para além disso, nestes
feitos humanos a concórdia apresenta-se sempre como discors
[sic] 168 , como umha luita e umha discussom e nom como um
abraço teatral longo e repetido. Mas é sempre concórdia e da
mais íntima e factual.
Queridíssima, abraço-te com tenrura.
antonio
Fum eu que risquei a parte relativa ao jornal. suspende a assinatura,
isto é, nom a renoves em absoluto.
168 discórdia. [N. do T.]
352
•