Cartas do CárCere - Estaleiro Editora

a substituiçom da pessoa e além de mais, a cousa é mui, mui
complicada e difícil de explicar bem (até pola questom dos
muros nom metafóricos). eu, para dizer verdade, nom som
mui sentimental, e nom som as questons sentimentais as que
me atormentam. Nom é que seja insensível (nom quero adotar
a pose de cínico ou de blasé); antes polo contrário, também as
questons sentimentais que se me apresentam vivo-as em combinaçom
com os outros elementos (ideológicos, filosóficos,
políticos, etc.), de maneira que nom saberia dizer até onde
chega o sentimento e onde começa, polo contrário, um dos
outros elementos; se calhar, nem sei dizer de umha maneira
precisa que elementos som estes, tam unidos como estám
num tudo inseparável e com umha vida única. talvez seja esta
umha força; talvez seja também umha debilidade, porque leva
a analisar os demais da mesma maneira, e consequentemente,
se calhar, a tirar conclusons erradas. Mas nom continuo, porque
estou escrevendo umha dissertaçom e polo que parece é
melhor nom escrever nada antes do que escrever dissertaçons.
Queridíssima tatiana, nom te preocupes tanto polas camisolas;
com as que tenho podo fazer aguardar as que me
enviares. Nom me mandes o termos ou antes, manda-mo só
depois de conseguires, por parte da direçom, a certeza de que
mo darám; para tê-lo no depósito é melhor nom tê-lo.
a senhora Pina mora justo na via Montebello 7; nom
penso que vaia vir para já, antes polo contrário. enviarei-che
para fora outros poucos livros e duas camisas esfarrapadas.
escreve para a minha mae, sauda-a da minha parte e assegura-lhe
que estou bastante bem.
abraço-te com tenrura.
antonio
210
•