Cartas do CárCere - Estaleiro Editora

uído para fixar a nova atitude de Mortara; seja como for, do
ponto de vista científico é escandalosa umha mudança tam
radical de um ano para o outro.
Pode-se dizer que já nom tenho um verdadeiro programa
de estudos e de trabalho e isto devia acontecer de maneira
natural. Propugera-me refletir sobre umha certa série de questons,
mas devia acontecer que num certo ponto estas reflexons
passassem à fase da documentaçom e portanto a umha fase
de trabalho e de elaboraçom que requer grandes bibliotecas.
Isso nom quer dizer que perda completamente o tempo mas,
é isso, já nom tenho grandes curiosidades em determinadas
direçons gerais, polo menos para já. Quero colocar-che um
exemplo: umha das ocupaçons mais interessantes para mim
nos últimos anos foi a de fixar alguns aspetos caraterísticos
na história dos intelectuais italianos. este interesse nasceu, de
umha parte, do desejo de aprofundar no conceito de estado
e, de outra parte, de ter reparado nalguns aspetos do desenvolvimento
histórico do povo italiano. Mesmo restringindo a
pesquisa às linhas essenciais, permanece contudo formidável.
É preciso remontar-se necessariamente ao Império romano e
à primeira concentraçom de intelectuais «cosmopolitas» («imperiais»)
que aquele causou: portanto, estudar a formaçom da
organizaçom clerical cristiano-papal, que oferece à herança
do cosmopolitismo intelectual imperial umha forma de casta
europeia, etc. etc. só desta maneira, em minha opiniom, se
explica que só depois do século XVIII, isto é, após o início das
primeiras luitas entre o estado e a Igreja com o jurisdicionalismo,
se poda falar em intelectuais italianos «nacionais»:
até entom, os intelectuais italianos eram cosmopolitas, exercitárom
umha funçom universalista (ou para a Igreja ou para
o Império) anacional, contribuírom para organizarem outros
estados nacionais, como técnicos e especialistas, oferecêrom
254