Cartas do CárCere - Estaleiro Editora

como reclamava em vam Machiavelli, que através da organizaçom
do exército queria organizar a hegemonia da cidade sobre
o campo, e que por isso pode ser chamado o primeiro jacobino
italiano (o segundo foi Carlo Cattaneo, mesmo apesar
de ter demasiadas quimeras na cabeça). desta forma, como
consequência disso, o renascimento deve ser considerado um
movimento reacionário e repressivo, em comparaçom com o
desenvolvimento das Comunas, etc. Fago-che estes comentários
para convencer-te de que cada período da história acontecido
na Itália, do Império romano até o Risorgimento, deve ser
observado deste ponto de vista monográfico. além disso, se
tiver vontade e o permitirem as autoridades superiores, farei
um programa da matéria, que terá nom menos de 50 páginas e
que hei de enviar-che; porque, naturalmente, estarei contente
tendo livros que me ajudem no trabalho e que me estimulem
a pensar. Igualmente, também che resumirei numha das próximas
cartas o tema de um ensaio sobre o Canto décimo do
Inferno dantesco, para que fagas chegar o roteiro ao professor
Cosmo, quem como especialista em dante, saberá dizer-me se
figem umha falsa descoberta ou se merece realmente a pena
escrever um contributo, umha migalha para engadir aos milhons
e milhons de notas semelhantes que já fôrom escritas.
Nom penses que nom continuo a estudar, ou que me envileço,
porque a um certo ponto nom poda continuar as minhas
pesquisas. ainda nom perdim umha certa capacidade
inventiva, no sentido de que qualquer cousa importante que
leia me estimula a pensar: como poderia construir um artigo
sobre este tema? Imagino umha introduçom e umha conclusom
perspicazes e umha série de temas irresistíveis para mim,
como muitas punhadas no olho, e desta maneira divirto-me
comigo mesmo. Naturalmente, nom escrevo essas diabruras:
limito-me a escrever sobre temas filológicos e filosóficos, so-
265