Cartas do CárCere - Estaleiro Editora

170
Beijos afetuosos
antonio
14 de janeiro de 1929
•
(Carta 47)
Queridíssima Giulia,
ainda aguardo a tua resposta à minha última carta. Quando
tenhamos retomado umha conversa regular (mesmo com
demorados intervalos), escreverei-che muitas cousas sobre
a minha vida, sobre as minhas impressons etc., etc. Para já,
deves informar-me sobre como interpreta delio o mecano. É
algo que me interessa muito, porque nunca soubem decidir
se o mecano, que tira ao meninho o seu próprio espírito inventivo,
é o brinquedo moderno mais recomendável. o que
pensas tu disto e o que pensa o teu pai? em geral, acho que a
cultura moderna (tipo americano), cuja expressom é o mecano,
produz um homem um pouco seco, maquinal, burocrático,
e cria umha mentalidade abstrata (num sentido diferente
do que por «abstrato» se entendia no século passado). Houvo
umha abstraçom causada por umha intoxicaçom metafísica
e há umha abstraçom causada por umha intoxicaçom matemática.
Que interessante deve ser observar as reaçons destes
princípios pedagógicos no cérebro de umha meninho pequeno,
que por outro lado é nosso, e ao qual estamos vencelhados
por um sentimento bem diferente que nom é o simples «interesse
científico». Queridíssima, escreve-me umha longa carta.
abraço-te forte forte.
antonio