Cartas do CárCere - Estaleiro Editora

linguagem de Guilhermom 129 antes da guerra. Marx escreveu
que a questom judia nom existe desde que os cristaos se
convertêrom em judeus, assimilando o que fora a essência do
judaísmo, a especulaçom, ou seja que a soluçom da questom
judia dará-se quando toda a europa seja libertada da especulaçom,
quer dizer, do judaísmo em geral. acho que é a única
maneira de propor a questom geral, à parte do reconhecimento
do direito das comunidades judaicas à autonomia cultural
(de língua, de escola, etc.) e também à autonomia nacional,
caso algumha comunidade judaica conseguisse, de umha ou
de outra maneira, habitar um território definido. todo o mais,
parece-me misticismo de péssima qualidade, bom para os pequenos
intelectuais judeus do sionismo, como a questom da
«raça», entendida noutro sentido que nom seja o puramente
antropológico; já no tempo de Cristo os judeus nom falavam
mais a sua língua, reduzida a umha língua litúrgica, e falavam
o aramaico. Umha «raça» que esqueceu a sua antiga língua
perdeu já a maior parte da herança do passado, da primitiva
conceiçom do mundo e absorveu a cultura (junto com a língua)
de um povo conquistador; consequentemente, que mais
pode significar «raça» neste caso? trata-se evidentemente de
umha comunidade nova, moderna, que recebeu a pegada passiva
ou até negativa do gueto e no quadro desta nova situaçom
social refijo umha nova «natureza».
É estranho que nom utilizes o historicismo para a questom
geral, e depois queiras de mim umha explicaçom historizante
do facto de alguns grupos de cosacos acreditarem que
os judeus tinham cauda. tratava-se de umha brincadeira que
me contou um judeu, comissário político de umha divisom
129 Guilherme II.
281