Cartas do CárCere - Estaleiro Editora

15 de dezembro de 1930
224
(Carta 70)
Queridíssima tatiana,
sim, sim, o livro de Zangwill 91 recebim-no há algum tempo e
esqueço sempre confirmá-lo. É um livro mui interessante, mas
já o conhecia; porém, relim-no com prazer.
as revistas «Pégaso» e «Les Nouvelles Littéraires» recebimnas
sempre de maneira regular e de facto parecem-me interessantes:
podes confirmar a assinatura na Livraria, mas penso
que já confirmaras em geral todos as assinaturas em curso e
que portanto nom é necessária umha confirmaçom específica,
nom achas?
Quanto à petiçom de revisom, visto que foi feita já por
um dos condenados, nom é preciso que a faga eu. os elementos
individuais som úteis para a apelaçom, nom para a revisom,
na qual se exige apenas, como justificaçom, a prova de
defeitos de forma, ou bem de contraste com outras sentenças
do mesmo tribunal, etc., isto é, elementos de caráter técnicojurídico
que só um advogado pode identificar. eu nom sei a
que advogado terá encarregado Umberto 92 tratar o seu recurso,
no caso de que ele fosse aceite; a dizer verdade, nem conheço
o procedimento dos recursos de revisom, se se trata de
umha deliberaçom na cámara do conselho ou se se lhe permite
ao advogado desenvolver os motivos do recurso perante o
conselho investido para o julgamento. seja como for o caso,
dado que o nosso julgamento foi totalmente político, também
o recurso será aceite ou será rejeitado por motivos políticos,
91 Israel Zangwill, Giuseppe il sognatore, ed. delta, Milám, 1929.
92 Umberto terracini.