Cartas do CárCere - Estaleiro Editora

também o livro sobre L’Action Française et le Vatican ficou
já antiquado: é apenas o primeiro volume de umha série
que talvez continue ainda, porque daudet e Maurras nom se
cansam de servirem, com diferentes molhos, os mesmos pratos:
mas justamente por isso este volume, como exposiçom de
princípios, pode parecer ainda interessante. Nom sei se chegache
a perceber toda a importáncia histórica que o conflito
entre o Vaticano e os monárquicos franceses tem na França:
ele equivale, em certa medida, à reconciliaçom italiana. É a
forma francesa de umha conciliaçom profunda entre o estado
e a Igreja: os católicos franceses, como massa organizada na
açom Católica francesa, cindem-se da minoria monárquica,
quer dizer, deixam de ser a reserva popular potencial para um
golpe de estado legitimista e tendem, polo contrário, a formarem
um vasto partido de governo republicano católico, que
quereria absorver, e absorverá certamente, umha parte notável
do atual partido radical (Herriot e Cia.). Foi normal que no
26, durante a crise parlamentar francesa, enquanto a «Action
Française» pré-anunciava o golpe de força, e publicava os nomes
dos futuros ministros que deviam constituir o governo
provisório que teria reclamado o pretendente Jean IV de orleans,
o chefe dos católicos aceitasse entrar a fazer parte de um
governo de coaliçom republicana. a lívida rábia de daudet e
Maurras contra o cardeal Gasparri e o núncio pontifício em
Paris deve-se mesmo à consciência adquirida de terem diminuído
politicamente 90%, por dizer pouco.
Queridíssima, esqueço sempre escrever que me envies alguns
medicamentos: lembram-mo as nevrálgias que voltárom
hoje. Queria um pouco de aspirina Bayer e uns poucos comprimidos
do doutor Faivre contra a hemicrania. Para dormir
nom me envies nada, porque estou estável; durmo pouco, é
verdade (3 ou 4 horas por noite), mas já nom me acontece o
205