Cartas do CárCere - Estaleiro Editora

chamados «dous Mundos» 139 (fai-me lembrar o Herói dos
dous Mundos e aproximaçons semelhantes do período romántico
oitocentista: mesmo a Revista dos Dous Mundos foi
fundada em 1830!). Já que lhe mostrei as minhas cartas e que
o informei entom dos termos gerais da nossa controvérsia,
agradecia-che que me figesses saber da sua opiniom a propósito
disso. Nom acredito que concorde nem com os velhos
rabinos nem com os jovens sionistas, mas penso que aceita a
existência, polo menos até certos limites, dos famosos «dous
Mundos». as suas observaçons, embora objetivamente interessantes,
nom me parecem completamente exatas. Nom creio
que esteja justificada a inferência pola qual existe «de maneira
evidente» a tendência para «fazer novamente dos judeus umha
comunidade isolada»; esta tendência parece que é antes «subjetiva»
dos velhos rabinos e dos jovens sionistas. os judeus,
a seguir à concordata, venhem a encontrar-se objetivamente
na situaçom dos protestantes, mas existe, ou existirá, umha
139 Cfr. Cartas 86 e 87. Na sua carta de 2 de fevereiro de 1932, tatiana transcrevera
para G. o seguinte trecho de umha carta que lhe mandara sraffa algum
tempo antes: «Quanto à questom dos dous Mundos, sem voltar a colocá-la em
seu nome, você poderia dizer-lhe que lim a sua carta e que aquilo que ele di sobre
os judeus na Itália nom é inteiramente exato a dia de hoje. Por umha parte,
após a concordata, obtivérom certas vantagens como comunidades religiosas,
sob a forma de certo reconhecimento jurídico das universidades israelitas, com
poder para imporem contribuiçons aos seus membros, etc.; todos os velhos
rabinos e os jovens sionistas estám mui satisfeitos com isso. de outra parte,
veem-se excluídos, de facto, se nom de iure, de certos ofícios; por exemplo, é
notório que os judeus nom entram na academia da Itália (alguns fascistas, com
sona internacional, fôrom excluídos); e também fôrom excluídos da Cámara
dos deputados, onde o único judeu é olivetti, secretário da Confederaçom da
Indústria; e acho que desde há muitos anos nom som nomeados senadores,
embora se diga que proximamente se fará umha exceçom com Monpurgo, das
Assicurazioni Generali, por motivos especiais. Umha e outra tendência, mesmo
se aparantemente opostas, encaminham-se evidentemente a converter de novo
os judeus numha comunidade isolada.»
305