Cartas do CárCere - Estaleiro Editora

para o mês de setembro. em finais de setembro terei de chegar
forçosamente a umha conclusom, se nom quiger tolear, ou entrar
numha fase que nem eu mesmo sei imaginar, tam exausto
como estou. acredita que nom podo mesmo mais, e assustame
o feito de estar a perder o controlo dos meus impulsos e
dos instintos elementares do caráter. Por isso, a tua proposta
é para ser considerada: podes aperfeiçoá-la, fixando os seus
pormenores e dando, se calhar, os passos necessários para ver
quanto se há de gastar e quem pode ser o médico para escolher,
porque acho que na instáncia em que se pida a autorizaçom
para a visita será preciso incluir o nome com todos os
seus dados. Queridíssima, abraço-te com tenrura.
antonio
5 de setembro de 1932
360
•
(Carta 118)
Queridíssima Iulca,
retomo a tua carta de 14 de agosto. Isso que escreves sobre
Leonardo da Vinci nom me parece nem justo nem exato; provavelmente,
tiveche bem poucas ocasions de ver o Leonardo
como artista e ainda menos de o conhecer como o escritor e
como cientista. Mas é inexato, com certeza, o juízo que me
atribuis, segundo o qual «ter amor por um escritor ou outro
artista nom é o mesmo que estimá-lo». Nunca pudem escrever
semelhante... banalidade; teria-me afastado dela, se nom
outra cousa, a lembrança de um certo número de obras teatrais
inspiradas polo filisteísmo universal, em que estes temas
do «amor sem estima» e da «estima sem amor» encontrárom
toda umha série de aplicaçons à vida conjugal. se calhar, dis-