Cartas do CárCere - Estaleiro Editora

14 de dezembro [de 1931]
298
(Carta 94)
Queridíssima Iulca,
recebim a tua breve carta de 21 de novembro. tania falou-me
da carta que lhe escreveche e dessa maneira a tua breve carta
adquiriu maior sentido, perdendo a sua abstracçom e vaguidade.
Numha carta anterior, mencionavas que querias começar
a estudar, e que pediras a opiniom à doutora, que nom
tinha sido favorável. Permite que, com umha certa pedanteria,
che faga umha proposta prática, que che apresente, por assim
dizer, algumhas das minhas «reivindicaçons» (penso que
no caso de um preso pode falar-se em «reivindicaçons», nas
relaçons com as pessoas livres, dado que a condiçom do preso,
historicamente, se relaciona com a escravitude do período
clássico; na Itália, galera e ergastolo, empregadas por cárcere,
indicam esta filiaçom de umha maneira evidente). Visto que
tencionas estudar, podo entender algumhas cousas: que queres
aprofundar num tema especializado qualquer, ou que queres
adquirir o «hábito científico», isto é, estudares para dominar
a metodologia geral e a ciência epistemológica (olha que palavras
pedantes!). Por que nom ias poder entom estudar algo
que justamente também me interessa a mim, chegando a ser a
minha correspondente em matérias de interesse para ambos,
visto que som o reflexo da atual vida intelectual de delio e
Giuliano? em resumo, desejaria (—a modo geral de primeira
reivindicaçom—) ser informado sistematicamente do quadro
científico em que se desenvolve a escola ou as escolas frequëntadas
por Giuliano e delio, para ser capaz de compreender e
valorizar as escassas mençons que fás por vezes. a questom
escolástica interessa-me muitíssimo e interessa-che muito