Cartas do CárCere - Estaleiro Editora

duzírom ao estado de párias aos dravida, que antes habitavam
a índia, fôrom um povo belicoso e só após a invasom mongol
e a conquista inglesa, pudérom expressar-se num homem
como Gandhi. os judeus nom tenhem um estado territorial,
umha unidade de língua, de cultura, de vida económica, desde
há dous milénios; como se poderia encontrar neles umha
agressividade, etc.? Mas também os árabes som semitas, irmaos
carnais dos judeus e tivérom o seu período de agressividade
e de tentativa de império mundial. entanto que os judeus som,
por outra parte, banqueiros e detentores do capital financeiro,
como se pode dizer que nom participam na agressividade dos
estados imperialistas?
recebo neste momento a tua carta de 2 de outubro e reparo
em que figem mal continuando esta discussom, que só se
poderia fazer numha conversa em que o tom de voz e a possibilidade
de corrigir e esclarecer de maneira imediata aquilo
que se di, impedem confusons e asperezas. de resto, nom quero
nom escrever-che esta semana, e por isso che envio a carta
tal qual está. Porém, quero esclarecer um pequeno facto. Parece
que estás convencida de que em 28-29 tivem quem sabe que
males e que chos ocultei. tivem a crise polos dias do Natal de
28, e justo o dia de Natal, e ainda duas vezes a seguir tivem a
conversa contigo. Nom estivem na cama. sofrim umha prolongada
debilidade, polo qual durante o passeio preferia ficar
sentado, e caminhar apenas 15-20 minutos, porque caminhar
me cansava. É possível que nom che escrevesse estes detalhes,
porque nom lhes concedia nengumha importáncia ou porque
estavas informada por meio das conversas mantidas. Naturalmente
é algo que passará mais vezes, porque nom quero
transformar as minhas cartas em boletins médicos (!) cheios
de extravagáncias e de asneiras. Quando nom escrevo nada
sobre a saúde, quer dizer que tudo é normal dentro do ámbito
278