Cartas do CárCere - Estaleiro Editora

que podem considerar-se firmemente assumidos pola teoria
psicanalítica, depois de ser desfolhada de todos os elementos
fantasmagóricos e mesmo da bruxaria. acho o ponto mais
importante é este: o tratamento psicanalítico pode aproveitar
só àquela parte da sociedade que a literatura romántica chamava
de «humilhados e ofendidos», muito mais numerosos
e variados do que parece tradicionalmente, isto é, aproveita
àquelas pessoas que, presas polos duros contrastes da vida
moderna (por falar apenas na atualidade, mas todo tempo
tivo umha modernidade em oposiçom a um passado), nom
conseguem encontrar polos próprios meios umha razom aos
contrastes mesmos, nem conseguem portanto superá-los,
como nom alcançam umha nova serenidade e tranquilidade
moral, isto é, um equilíbrio entre os impulsos da vontade e as
metas a atingir. em determinados momentos históricos e em
determinados ambientes, a situaçom chega a ser dramática,
como quando o ambiente é sobreaquecido até umha tensom
extrema, desencadeando-se forças colectivas gigantescas que
pressionam a cada indivíduo até o espasmo, obtendo dele o
máximo rendimento de impulso volitivo para a criaçom. estas
situaçons chegam a ser desastrosas para os temperamentos
mui sensíveis e refinados, enquanto som necessárias e indispensáveis
para os elementos sociais atrasados, por exemplo os
labregos, cujos nervos robustos podem distender-se e vibrar a
um diapasom mais alto sem se consumirem.
se calhar contei-che algumha vez a surpresa experimentada
no sanatório de serebriani Bor, onde conhecim Genia
e Giulia, a causa do espectáculo de doentes que chegavam
em condiçons de extremo deperecimento, e que após 3 ou 4
messes de umha nutriçom medíocre, mas superior ao nível
normal da sua existência, e de repouso, aumentavam de 16 a
18 quilos de peso, renasciam, voltavam a ser capazes de umha
308