Cartas do CárCere - Estaleiro Editora

aparência, como verás. escrevim-che já que todo o trabalho
historiográfico de Croce nos últimos vinte anos foi dirigido a
elaborar umha teoria da história como história ético-política,
em contraposiçom à história económico-jurídica representada
pola teoria derivada do materialismo histórico, após o processo
revisionista sofrido por ele, por obra do próprio Croce.
Mas a história de Croce é entom ético-política? em minha
opiniom, a história de Croce só pode ser chamada de história
«especulativa» ou «filosófica» e nom ético-política, e neste caráter
seu, e nom no ser ético-política, está a sua oposiçom ao
materialismo histórico. Umha história ético-política nom está
excluída do materialismo histórico, na medida em que ela é a
história do momento «hegemónico», enquanto que está excluída
a história «especulativa», como qualquer filosofia «especulativa».
Na sua elaboraçom filosófica, Croce di ter querido
libertar o pensamento moderno de qualquer pegada de transcendência,
de teologia, e portanto de metafísica num sentido
tradicional; seguindo esta linha, até chegou a negar a filosofia
como sistema, precisamente porque na ideia de sistema há um
resíduo teológico. Mas a sua filosofia é umha filosofia «especulativa»,
e como tal dá plena continuidade à transcendência
e à teologia com umha linguagem historicista. Croce está tam
imerso no seu método e na sua linguagem especulativa que só
pode julgar em funçom deles; quando escreve que na filosofia
da praxe a estrutura é como um deus oculto, isso seria verdadeiro
se a filosofia da praxe fosse umha filosofia especulativa
e nom um historicismo absoluto, libertado certamente e nom
apenas de palavra, de qualquer resíduo transcendental e teólogico.
Ligada a este ponto está outra observaçom que atinge
mais de perto a conceçom e a composiçom da Storia d’Europa.
Pode pensar-se umha história unitária de europa que se inicie
344