Cartas do CárCere - Estaleiro Editora

indignado, porque se permitia circular ainda polas nossas cidades
a esses pobres chineses que vendem pequenos objetos,
com certeza fabricados em série na alemanha, mas que dam a
impressom aos compatriotas de incorporarem polo menos um
pedacinho do folclore do Catai. segundo o nosso evangelista,
o perigo para a homogeneidade das crenças e das maneiras de
pensar da civilizaçom ocidental era grande: trata-se, em sua
opiniom, de umha inserçom da idolatria asiática no cepo do
cristianismo europeu. as pequenas imagens de Buda acabariam
por exercer umha fascinaçom especial, que poderiam ser
como um reativo sobre a psicologia europeia, exercendo um
pulo para novas formaçons ideológicas totalmente diferentes
da tradicional. Que um elemento social como o evangelista
mostrasse nas suas palavras preocupaçons semelhantes, era
verdadeiramente interessantíssimo, mesmo se tais preocupaçons
tinham umha origem mui longínqua. Porém, nom foi
difícil metê-lo num beco, sem saída para ele, fazendo-lhe observar:
1°. Que a influência do budismo sobre a civilizaçom ocidental
tem raízes muito mais profundas do que parece porque
durante toda a Idade Média, desde a invasom dos árabes até
por volta de 1200, a vida de Buda circulou por europa como
a vida de um mártir cristao, santificado pola Igreja, a qual só
depois de bastantes séculos reparou no erro cometido e desconsagrou
o pseudo santo. a influência que pudo ter exercido
um episódio assim naquele tempo, quando a ideologia religiosa
estava mui viva e constituía a única maneira de pensar das
massas, é incalculável.
2°. o budismo nom é umha idolatria. deste ponto de
vista, se existir um perigo, é antes o constituído pola música
e pola dança dos pretos importado por europa. esta música
conquistou na verdade todo um estrato da populaçom euro-
147