Cartas do CárCere - Estaleiro Editora

tua personalidade umha determinada orientaçom novidosa,
abandonando a atividade artística por umha atividade mais
imediatamente prática. Para além disso, acho deche sempre
ao conceito e ao facto da «utilidade» e da «praticidade» um
conteúdo demasiado limitado e mesquinho (erro teórico
que definim com a expressom de «sordidamente judaico»),
tirando a consequëncia obsessiva de seres demasiado pouco
«útil» e «incapaz», a seres «útil», como erroneamente pensas
que se deveria ser. a mim deu-me a impressom de que aí está
o germe da tua doença, do «complexo de inferioridade» que
debilita a tua sensibilidade, afinada polos acontecimentos destes
últimos seis anos, mas que já era excecionalmente aguda
antes. de resto, agora considero que eu também som responsável,
polo menos em parte, por estas condiçons tuas, dado
que no passado, de forma inconsciente, me divertia a irritar-te
e a provocar-te, achando que assim conseguiria conhecer-te
melhor. Comecei em 1922, pouco depois de que nos conhecêssemos
e figem que chorasses, de um jeito tam estúpido que
só agora sinto remorsos, porque só agora percebo que nom se
tratava de umha cousa superficial, mas que para ti tinha umha
importáncia maior da que eu pensara: e nom tivem a coragem
de enxugar-che as lágrimas, como até me sentia movido a fazer,
porque te amava e é verdade que certas maldades fam-se
só a quem se ama. Queridíssima, aperto-te forte forte.
antonio
332
•