Cartas do CárCere - Estaleiro Editora

sempre umha certa intoleráncia pola vida familiar. Igualmente,
estava convencido de ser um hipercrítico, de ver a palha no
olho do próximo e nom a trave no próprio e que era portanto
necessário da minha parte nom intervir, mas deixar que cada
quem desenvolvesse a sua vida de forma independente. agora
nom sei o que fazer e por que parte começar. agradeço-che
por isso que me escrevesses, porque polo menos podo orientar-me
de maneira concreta, o que até agora nom era possível.
Polo menos de agora em diante nom hei de atirar pedras à toa,
o que se calhar tem passado nestes últimos tempos.
Nom sei se che darei enviado o esquema prometido sobre
os «intelectuais italianos». o ponto de vista do qual observo a
questom muda por momentos: talvez ainda seja cedo para resumir
e sintetizar. trata-se de umha matéria ainda em estado
líquido, que deverá submeter-se a umha elaboraçom posterior.
Nom te metas na cabeça copiar outra vez o «programa»
para a publicaçom sobre italianos no estrangeiro: nom penso
que valha a pena, tanto mais que o Marzocco já deu um resumo
avondo preciso 161 . se puderes conseguir um exemplar,
bem; senom, paciência. Igualmente, nom tenho necessidade,
certamente, das obras de William Petty para o tema sobre as
ideias económicas de Machiavelli. a chamada é interessante,
mas chega com a chamada 162 . Polo contrário, dentro de algum
161 Cfr. Il Marzocco, XXXVII, 10, 6 de Marzo de 1932.
162 tatiana a G. no dia 27 de abril de 1932: «... Piero escreve que nom sabe
absolutamente nada sobre o pensamento económico de Machiavelli; o pouco
que apreendera lendo o artigo de arias indicado por ti parece confirmar, na
opiniom dele, quanto digeche. Piero acha que há grandes analogias com um
economista inglês do XVII, William Petty, a quem Marx chama o «fundador
da economia clássica». as suas obras som impossíveis de encontrar mas, se
o desejares, talvez poda ser encontrada nas livrarias a traduçom francesa das
suas obras completas. Figemos que che enviassem o artigo de arias, e que a
340