Cartas do CárCere - Estaleiro Editora

me habituara à ideia de ter que morrer em breve. depois disso,
que poderia afetar-me de umha maneira séria? abraço-te
forte forte
antonio
9 de fevereiro de 1931
•
(Carta 72)
Queridíssima Giulia,
recebim a tua carta de 9 de janeiro, que começa assim: «Quando
penso em escrever —cada dia— penso naquilo que me fai
calar, penso que a minha debilidade é nova para ti...». — também
eu penso que até agora houvo um certo equívoco entre
nós, também sobre esta presente debilidade tua e sobre a tua
presumida força anterior, e deste equívoco quero assumir polo
menos a maior parte da responsabilidade que me corresponde
realmente. Umha vez escrevim-che (talvez o lembres) que
estava convencido de que foras sempre mais forte do que tu
mesma pensavas, mas quase me repugnava insistir demasiado
nesta ideia, porque me parecia ser um negreiro, visto que a ti
che tocárom os pesos mais grandes na relaçom. ainda penso
dessa maneira, mas o que nom significava entom, nem significa
hoje muito menos, é que me figesse de ti umha imagem
de «mulher forte», convencional e abstrata: sabia que até eras
débil, que algumhas vezes eras polo contrário mui débil, que
eras, em resumo, umha mulher viva, que eras Iulca. Mas pensei
muito em todas estas cousas desde que estou no cárcere
e mais de um tempo para esta parte. (Quando nom se podem
fazer previsons para o futuro, rumina-se continuamente
o passado, analisa-se, acaba-se por vê-lo melhor em todas
231