Cartas do CárCere - Estaleiro Editora

26/XII/1927
(Carta 33)
Queridíssima tania,
e assim passou também a festa do Natal, que imagino o trabalhosa
que deveu ser para ti. Na verdade, pensei no seu caráter
extraordinário apenas deste ponto de vista, o único que
me pudo interessar. Nom houvo nada destacável, salvo umha
geral tensom dos ánimos em todo o ambiente do cárcere; podia-se
notar como o fenómeno se vinha gestando desde havia
umha semana inteira. todos esperavam algo excecional, e a
espera determinava toda umha série de pequenas manifestaçons
típicas que davam no conjunto esta impressom de um
pulo vital. Para muitos, a exceçom era umha porçom de pasta
asciutta e um quartel de vinho que a administraçom passa três
vezes por ano, em vez da habitual sopa: mas que acontecimento
importante é este, contudo. Nom creias que me divirto ou
que me rio disto. teria-o feito, se calhar, antes de ter passado
a experiência do cárcere. Mas vim demasiadas cenas comovedoras
de presos que comiam o seu prato de sopa com religioso
pesar, arrepanhando com a miga de pam até o último
rasto de preve que pudesse ficar colado à louça! Um detido
chorou porque num quartel dos guardas, onde estávamos de
passagem, em lugar da sopa regulamentar distribuírom apenas
umha porçom dupla de pam; desde havia dous anos estava
no cárcere e a sopa quente era para ele o seu sangue, a sua
vida. entende-se porque o Pai Nosso pom o acento no pam
de cada dia.
Pensei na tua bondade e na tua abnegaçom, querida tania.
Mas a jornada decorreu um pouco como todas as demais.
se calhar, parolámos menos e limos mais. eu lim um livrinho
de Brunetière sobre Balzac, umha espécie de castigo para
139