Cartas do CárCere - Estaleiro Editora

1 de agosto de 1932
356
(Carta 115)
Queridíssima Iulca,
recebim a tua carta de 15 de julho. agradeço o teu escrever frequente.
recebim as fotografias dos meninhos e de ti, que me
ajudam a imaginar de umha forma algo mais concreta a vossa
vida e a fantasiar menos. a tua última carta deu-me também
umha prova de que as tuas condiçons de saúde melhorárom;
quigem relê-la, mesmo como um «relatório»... médico e constatei
que nom há nem um erro de ortografia e de língua em
geral. Isso quer dizer que o teu italiano é ainda sólido e que
o teu processo de formaçom das ideias voltou a ser límpido
e claro, sem dúvidas, arrependimentos ou indecisons, como
nom parecia ser dantes, polo menos algumhas vezes.
Lembras-te ainda de quando che contara a história dos
sapos que se pousam sobre o coraçom dos adormecidos no
campo? Fai precisamente aproximadamente 10 anos: quantas
patranhas che tenho contado naquele mês passado no sanatório!
Quando escrevia o continho do homem no fosso, tornoume
à memória improvisadamente, e lembrei-me de que che
ficara impresso na altura com um acompanhamento de sensaçons
cómicas.
também o que escreves sobre delio e Giuliano e das suas
inclinaçons fijo com que lembrasse que alguns anos atrás acreditavas
que delio tinha muita inclinaçom pola engenharia
construtiva, enquanto hoje parece que essa é a inclinaçom de
Giuliano, e delio dirige-se antes à literatura e à construçom...
poética. Na verdade, digo-che que nom acredito nestas inclinaçons
genéricas tam precozes e que tenho pouca confiança
na tua capacidade de observar as suas tendências para umha
orientaçom profissional. acho que em cada um deles subsis-