Cartas do CárCere - Estaleiro Editora

mo mui contente. aguardo ser capaz de ler facilmente o inglês
quando esta ediçom for publicada e poder ler ricardo
no texto original. o estudo que figem sobre os intelectuais
como plano é mui vasto e na realidade nom acho que existam
em Itália livros sobre este tema. existe, com certeza, muito
material erudito, mas disperso num número infinito de revistas
e arquivos históricos locais. de resto, amplio muito a
noçom de intelectual e nom me limito à noçom corrente que
se refere aos grandes intelectuais. este estudo leva também a
certas determinaçons do conceito de estado, que é entendido
habitualmente como sociedade política (ou até como aparato
coercitivo para enquadrar a massa popular, segundo o tipo de
produçom e a economia de um momento dado) e nom como
um equilíbrio da sociedade política com a sociedade civil (ou
hegemonia de um grupo social sobre a inteira sociedade nacional,
exercida através das organizaçons chamadas privadas,
como a igreja, os sindicatos, as escolas etc.) e precisamente na
sociedade civil, nomeadamente, operam os intelectuais (Benedetto
Croce, por exemplo, é umha espécie de papa laico e é
um instrumento mui eficaz de hegemonia, mesmo se de quando
em vez pode nom concordar com este ou aquele governo
etc.). a partir desta conceiçom do papel dos intelectuais, em
minha opiniom, esclarece-se a razom, ou umha das razons,
da queda das comunas medievais, isto é, do governo de umha
classe económica, que nom soubo criar-se a própria categoria
de intelectuais e portanto exercer umha hegemonia, mais do
que umha ditadura; os intelectuais italianos nom tinham um
caráter popular-nacional, mas cosmopolita, como o modelo
da Igreja, e a Leonardo era-lhe indiferente vender ao duque
Valentino os desenhos das fortificaçons de Florença. as comunas
fôrom portanto um estado corporativo, que nom conseguiu
superar esta fase, nem se converteu num estado integral,
264