Cartas do CárCere - Estaleiro Editora

a castanhas) direi-lhe a tatiana que faga umha escolma de
cigarros de diferentes países, para levar-lhos no meu nome;
gostará deles? tenho a certeza de que sim. Querida, abraço-te
com as crianças.
antonio
30 de julho de 1929
184
•
(Carta 54)
Querida Iulca,
recebim a tua carta do 7. as fotografias nom me chegárom ainda;
aguardo que esteja também a tua. É claro que quero verte,
polo menos umha vez por ano, para ter umha impressom
um pouco mais viva: de outra maneira, o que poderia pensar?
Que mudache muito fisicamente, que estás mais magra, que
tés muitos cabelos brancos, etc. etc. e depois é preciso que
che dê os parabéns polo teu aniversário com antecipaçom: se
calhar, a próxima carta ainda chega a tempo, mas nom che
estou certo. se me chegar a tua fotografia, significa que hei
de repetir os parabéns. entende-me, quereria ver-te em grupo
junto às crianças, como na fotografia do ano passado, porque
no grupo há algo movimentado, dramático, captam-se as relaçons,
que podem ser prolongadas, imaginadas noutras cenas,
em episódios da vida concreta, quando o objetivo do fotógrafo
nom estiver aberto.
de resto, creio conhecer-te o suficiente como para imaginar
outras cenas, mas nom podo imaginar o suficiente as
açons e reaçons das crianças nas relaçons contigo, e compreendo
as açons e reaçons vivas vez por vez, nom já os sentimentos
e as disposiçons gerais: as fotografias dim-me pouco