Cartas do CárCere - Estaleiro Editora

sua capacidade de exprimir com grande simplicidade e com
grande génio ao mesmo tempo, umha matéria que habitualmente,
nos outros escritores, se apresenta de maneira confusa,
obscura, forçada, prolixa. o estilo literário exprime um estilo
adequado na vida moral, umha atitude que se pode chamar
goethiana, de serenidade, sobriedade, segurança imperturbável.
enquanto tanta gente perde a cabeça e abana entre sentimentos
apocalípticos de pánico intelectual, Croce converte-se
num ponto de referência para atingir a força interior, pola sua
inabalável certeza de que o mal, do ponto de vista metafísico,
nom pode prevalecer e que a história é racionalidade. Cumpre
considerar, aliás, que para muitos o pensamento de Croce
nom se apresenta como um sistema filosófico denso e de difícil
assimilaçom como tal. acho que a maior qualidade de
Croce foi sempre esta: fazer que circulasse, de umha maneira
nom pedante, a sua conceçom do mundo por meio de toda
umha série de breves escritos nos quais a filosofia se apresenta
de maneira imediata e é assimilada como bom-senso e sentido
comum. desta maneira, as soluçons para tantas questons
acabam por circular convertidas em anónimas, penetram nos
jornais, na vida quotidiana e existe umha grande quantidade
de «crocianos» que nom sabem que o som e que talvez nem
saibam que Croce existe. Igualmente, penetrou nos escritores
católicos umha certa soma de elementos idealistas, da qual
procuram libertar-se, mas sem consegui-lo, na tentativa de
apresentarem o tomismo como umha visom auto-suficiente e
suficiente para as exigências intelectuais do mundo moderno.
abraço-te com tenrura
antonio
338
•