Cartas do CárCere - Estaleiro Editora

fai rir de mim próprio, com a consequëncia desagradável
de que essa autocrítica parece que me leva a dizer parvoíces.
Isso significa que percebo um certo marasmo e me sinto
reprimido.
Para além disso, polas tuas cartas parece que algumhas
observaçons minhas fôrom além do limite e tivérom «demasiado
sucesso», quer dizer, tivêrom um efeito nocivo. Insistes
demasiado em lembrar as minhas observaçons a respeito da
tua personalidade, ainda nom desenvolvida, da necessidade
que tens de descobrires o teu verdadeiro ser, etc. Com certeza,
tomache ao pé da letra as minhas observaçons e nom
as colocache na sua justa dimensom. Um elemento que com
certeza che escapou é como eu próprio tenho insistido para te
induzir a dedicares umha parte do teu tempo à musica (acho
che causou umha má impressom que umha vez eu quigera
ir-me embora ou mostrasse, de algumha maneira, nom poder
aturar a tua música: e certamente, aquela vez sofria realmente,
mas estava numhas condiçons nervosas deploráveis, e a música
enerva-me de umha maneira tal que me provocava convulsons).
sempre acreditei que a tua personalidade se desenvolveu
em grande parte ao redor da atividade artística e que
sofreu como umha amputaçom a orientaçom meramente prática
e de interesses imediatos que deche à tua vida. diria que
na tua vida houvo um erro «metafísico», com a consequëncia
de desarmonias e desequilíbrios psico-físicos. Umha vez afirmei,
com certo escándalo pola tua parte, que os cientistas, na
sua atividade, som «desinteressados». tu retrucache, de forma
mui breve, que eles som sempre «interessados». Naturalmente,
eu falava em termos «italianos» e da cultura italiana tinha
presente as teorias filosóficas do prof. Loria, que interpretou
o termo e a noçom de «interesse» num certo sentido, inferior,
que nas Teses sobre Feuerbach é qualificado como schmutzig
327