Cartas do CárCere - Estaleiro Editora

Giuliano esbugalha os olhos diante desse couso misterioso,
sem estar convencido de que nom haja umha surpresa algo
incerta: poderia saltar fora um gato raivoso ou talvez um lindo
pavom. Porque se nom lhe teriam dito que olhasse nessa
direçom e que nom se movesse? tés razom quando dis que se
parece de maneira extraordinária com tua mae e nom só nos
olhos, mas em toda a parte superior do rosto e da cabeça.
sabes? escrevo-che de má vontade, porque nom tenho a
certeza de que a carta che chegue antes da tua partida. e à
parte, ando mais umha vez algo escangalhado. Choveu muito
e a temperatura refrescou: isso fai-me estar mal. Venhem-me
dores nos rins e neuralgias e o estômago rejeita a comida. Mas
é umha cousa normal em mim e por isso nom me preocupa
demasiado. de resto, como um quilo de uva por dia, quando
a vendem; por isso nom podo morrer de fame: a uva como-a
com prazer e é de umha qualidade ótima.
Já lera um artigo do editor Formiggini relativo às más traduçons
e às propostas feitas para obviar esta epidemia, chegando
mesmo um editor a propor que se figesse responsáveis
penais aos editores polos despropósitos publicados; Formiggini
respondia ameaçando com fechar o negócio, porque até o
mais escrupuloso editor nom pode evitar publicar disparates,
e com muito humor eu já via um agente da polícia apresentando-se
e dizendo: «si levasse e venisse con mia in Questura.
dovesse rispondere di oltraggio alla lingua italiana!» 73
(os sicilianos falam um pouco assim e muitos guardas som
73 Gramsci reproduz nesta frase o italiano regional da sicília. É umha piada
difícil de traduzir e nem sequer fai muito sentido traduzi-la, mas para reproduzir
o seu caráter cómico poderíamos dizer que umha versom aproximada é:
«erguesse e vinhesse com eu à esquadra. tivesse que responder pela ultragem à
lingua italiana». em definitivo, na sicília, o imperfeito do subjuntivo utiliza-se
com valor imperativo.
187