Cartas do CárCere - Estaleiro Editora

e aqueles dos que Heine escreveu: eram tam aborrecidos
que adormecim, mas o aborrecimento foi tal que me obrigou
a acordar. abraço-te com tenrura.
antonio
13 de setembro de 1931
266
•
(Carta 84)
Queridíssima tatiana,
recebim o pacote das medicinas e agradeço-cho. Nom sei para
que me podem servir os cigarros e o pó de abissínia contra
a asma. ataques de asma nunca os tivem, também nom nestas
últimas circunstáncias: podo estar de tanto em tanto um
pouco arquejante, e certamente nom podo correr ou estar
demasiado tempo inclinado para varrer, etc., mas nom por
isso me parece necessário tomar qualquer cousa especial. de
resto, fago as inalaçons de trementina, que me fam tossir, mas
nom me provocam qualquer tipo de expetoraçom; na realidade,
nom tenho expetoraçons, mas sim umha abundante e
insólita salivaçom. Nom sei por que te surpreende que nom
estivesse nem um dia na cama. Quer dizer que nom acreditache
nas minhas cartas. Na realidade, sofrim um pouco de
debilidade, mas nom mui notável; nom há comparaçom com
a debilidade que me golpeou após o ataque de ácido úrico de
dezembro de 28; na altura nom pudem caminhar durante quase
três messes, e passava as horas do passeio sempre sentado,
ou passeava um pouco do braço de outro preso; igualmente,
sinto-me mais débil em cada início de Primavera. esta semana
ainda melhorei, porque o sedobrol me fai dormir um
pouco. Porém, tenho sempre um pouco de temperatura: de