Cartas do CárCere - Estaleiro Editora

Cosmo poderia dizer-me se se trata de umha nova descoberta
da pólvora, ou se há no esquema algum ponto que pode ser
desenvolvido numha notinha, para passar o tempo.
acabo de receber agora mesmo a tua longa carta de 19 de
setembro. acho que devias ter entendido há tempo que quando
nom trato certos temas, ou nom che respondo a propósito,
é assim que quero fazer e nom quero gerar polémicas. achas
sempre que o cárcere é umha espécie de pensom para orfanzinhas;
porém, é mesmo um cárcere e mais nada. Quanto o médico
me dixo e prescreveu, contei-cho com detalhe. também
no 28-29 soubeche do meu mal-estar, dado que estavas aqui
pola conversa de dezembro, justo quando eu estava mal. seja
como for, tem a certeza de que tenho em conta os teus conselhos
e que se che escrevo sobre «ciência», etc., o fago para
fazer-che raivar inutilmente, já que nom queres convencer-te
de que aquilo que escrevo o quero escrever para nom escrever
outras cousas.
abraço-te com tenrura.
antonio
5 de outubro de 1931
•
(Carta 86)
Queridíssima tania,
nom gostei muito da fotografia de delio e Giuliano, pola mesma
razom pola que che pedira a tua fotografia de estudante.
acho que é claro: umha única fotografia fornece umha imagem
fixada umha vez para sempre. Umha série de fotografias
permite reconstruir, dentro de certos limites, umha personalidade
em desenvolvimento, isto é, a personalidade real. a
275