Cartas do CárCere - Estaleiro Editora

entre o que parece necessário de umha maneira categórica e as
tendências reais fundamentadas na sedimentaçom de velhos
usos e velhas maneiras de pensar. esta contradiçom apresenta-se
numha multiplicidade inumerável de manifestaçons, até
assumir um caráter estreitamente singular em cada indivíduo.
em cada momento da história, nom apenas o ideal moral, mas
o «tipo» de cidadao fixado polo direito público, é superior à
média dos homens vivos num estado dado. esta distáncia torna-se
mais pronunciada nos momentos de crise, como é este
do após-guerra, seja porque o nível de «moralidade» desce,
seja porque se coloca mais alta a meta a alcançar e que ela se
exprime numha nova lei e numha nova moralidade. Num caso
e no outro, a coerçom estatal sobre os indivíduos aumenta, aumenta
a pressom e o controlo de umha parte sobre o todo e do
todo sobre cada um dos seus componentes moleculares. Muitos
resolvem a questom facilmente: superam a contradiçom
por meio do vulgar cepticismo. outros seguem em aparência
a letra das leis. Mas para muitos a questom resolve-se somente
de maneira catastrófica, já que tem derivaçons doentias de
umha paixom reprimida, que a necessária «hipocrisia» social
(quer dizer, seguir a fria letra da lei) nom fai senom aprofundar
e turvar.
este é o núcleo central das minhas reflexons, que eu mesmo
percebo quam abstrato e impreciso é se se tomar assim,
literalmente: porém, trata-se apenas de um esquema, de umha
orientaçom geral, e entendido assim parece-me avondo claro e
evidente. Como dixem, é preciso distinguir, para cada indivíduo
e para os vários estratos culturais, gradaçons muito complexas
e numerosas. aquilo que nos romances de dostoievski
é indicado com o termo de «humilhados e ofendidos» é a gradaçom
mais baixa, a relaçom própria de umha sociedade em
que a pressom estatal e social é das mais mecánicas e exterio-
317