Cartas do CárCere - Estaleiro Editora

consequentemente, visto que nos ajudache a aprender a escrever
(e antes nos ensinaras muitas poesias de memória; ainda
lembro Rataplan e a outra, «Lungo i clivi della Loira / che
qual nastro argentato / corre via per cento miglia / un bel suolo
avventurato» 103 ) é justo que um de nós escreva por ti quando
nom tés suficientes forças. aposto que a lembrança de Rataplan
e da cançom do Loira che fará sorrir. e lembro também
quanto admirava (devia ter quatro ou cinco anos) a tua habilidade
para imitar na mesa o toque do tambor, enquanto declamavas
Rataplan. além disso, nom podes imaginar em quantas
cousas das que lembro apareces tu, sempre como umha força
benéfica e cheia de tenrura para connosco. se o pensas bem,
todas as questons da alma, da imortalidade da alma e do paraíso,
e do inferno nom som, no fundo, afinal de contas, mais
do que umha maneira de ver este simples facto: que qualquer
açom nossa se transmite aos demais em funçom do seu valor,
seja bom ou mau, passa de pai para filho, de umha geraçom
para outra num movimento perpétuo. Que todas as lembranças
que temos de ti sejam de bondade e de fortaleça, ou que
desses as tuas forças para nos educar, significa que já estás,
desde entom, no único paraíso real que existe, que para umha
mae, acho, é o coraçom dos próprios filhos. Vês o que che escrevim?
além de mais, nom deves pensar que queira ofender
as tuas opinions religiosas, e por outro lado, penso que concordas
comigo mais do que achas. di a teresina que aguardo
a outra carta que me prometeu. abraço-te com tenrura, junto
a todos os da casa. antonio
103 a balada de «rataplám» é Il vecchio sergente, de Pietro Paolo Parzanese. os
versos, livremente citados por G., pertencem ao início do pequeno poema de
arnaldo Fusinato, Le due madri: «ao longo das margens do Loira/que qual fita
de prata/percorre cem milhas/de um chao venturoso...»
249