shkarko - Syri 3

shqiptar mëtohet t’i rilexojë veprat e socrealistëve për ta
“zbuluar” disidencën e këtyre shkrimtarëve.
5. Përkthyesit shqiptarë, përveç seleksionimit të rreptë të
veprave “përparimtare” të letërisë botërore, detyroheshin të
kërkojnë nga Komiteti i Partisë viza hyrëse për “shkrimtarët
përparimtarë”, që do të përktheheshin në gjuhën shqipe.
Veprat e këtyre shkrimtarëve botërorë përktheheshin
politikisht. Kodin, mesazhin, konceptin, tekstin e përkthyer,
përkthyesi ideologjik shqiptar duhej t’i retardonte nga
polisemia e dyshimtë e çdo fjale. Të gjitha këto vlera letrare
artistike të përkthyera nga letërsia “përparimtare” botërore
duhet të shndërrohen në formula të thjeshta idiomatike
politike. Përveç ndërhyrjeve ideogjuhësore në këto vepra “të
përkthyera”, shkrimtarët “përparimtarë” botërorë detyroheshin
të rrinin shumë cuc midis parathënies, pasthënies, mbithënies,
nënthënies, përthënies. Pas gjithë këtyre punimeve
ideopolitike “shkrimtari përparimtar” i letërsisë botërore mund
të hynte vetëm në purgatorin politik të letërsisë shqipe dhe
duhej të ndjehej shumë më i lumtur që nuk ka mbetur në
“ferrin e dekadencës borgjeze”.