shkarko - Syri 3

parashikuar fundin. Një ide e tillë ka qenë më shumë se
herezi. Rreziku sipas Kadaresë, ishte shumë konkret: Kali i
Trojës këmbët e prapme i kishte në mitet idhnake, të lashta, e
këmbët e para afër qytetit të Tiranës. Në barkun e kalit-furgon
ziente koalicioni gjithëevropian kundër Shqipërisë socialiste:
1. Odhiseja K. paraqet dinakun, me lektisje shekullore
për zaptimin e tokave të “Vorioepirit”.
2. Roberti, dikur italoromaku i armiqsuar me grekun,
tash në barkun e Kalit, është gjetur në koalicionin kundër
“socializmit iliroshqiptar”.
3. Konstruktori paraqet shkencëtarin e strategjisë
ushtarake që sublimon të gjithë konstruktorët, prej atij të Kalit
të Trojës e deri tek konstruktorët e bombës atomike. Me
injorancën e tyre socpolitike, këta konstruktorë përherë janë
në shërbime të gjeneralshtabeve ushtarake.
4. Maksi identifikohet me Ajaksin, por njëkohësisht
paraqet anglo-amerikanin, do të thoshim më mirë, grekun e
amerikanizuar, si armik historik, ideologjik; por edhe i prekur
në sedër për grabitjen e fundit të Helenës.
5. Akamanti paraqet renegatin iliroshqiptar, Dhimitër
Farin që e flet mjaft dobët gjuhën iliroshqiptare. Është i vetmi
që vritet dhe varroset në Shqipëri; në mënyrë tjetër si një
renegat që njëzet shekuj s’ka gjetur vend për varr.
6. Milloshi është banori më i vonshëm i këtij koalicioni.
Ai ka ardhur shumë vonë në Ballkan, atëherë kur brinjtë e
Kalit kishin filluar të rrallohen. Andaj s’kishte njohuri të qarta
për Kalin. Milloshi, edhepse më i voni në barkun e Kalit,
armiqësisht s’mbetej pas të tjerëve: “Atëherë Odhisea dha
urdhër të largoheshin të gjithë me përjashtim të atyre që u ra
shorti të futen në barkun e Kalit. Të gjithë ikën dhe mbetën
vetëm ne të pestë”.
“-Unë atëherë nuk isha këtu, por e kam dëgjuar-tha Milloshi”.