shkarko - Syri 3

vjetër të letërsisë shqipe, sado qofshin patriotë, politikaj,
moralisht e psiqikisht të lartë, s’mund të hyjnë në katin e
parajsës ideologjike të letërsisë shqipe. Këtë të drejtë, sipas
skemës biblike, mund ta fitojnë vetëm banorët e Dhjatës së re
të letërsisë shqipe. Dy katet e para të ngrehinës ideologjike i
përkasin Arkitektit ndërsa kati i sipërm i takoi plotësisht
Krijuesit ideologjik.
Arkitekti ideologjik me transponimin e heroit tradicional
dhe Krijuesi i Partisë, me krijimin e heroit nga asgjëja, e
përdorin të njëjtin procedim skematik trekëndor: Shkrimtari -
Heroi - Lexuesi.
Në këtë trekëndësh, së pari transponohet heroi,
përmes të cilit ngërthehen në ndjeshmëri shkrimtari dhe
lexuesi. Shkrimtari bëhet peng ideopolitik nëpërmes
personazhit të tij të stërkequr, për hir të të cilit, shkrimtari si
Kont Ugolini, do të vetëmbyllet në kështjellën ideologjike. Kjo
lidhje e ngushtë gjaku, midis Atit (shkrimtarit) dhe Birit (heroit),
e përcakton lexuesin të bashkëjetojë në temperaturën e
brendshme të trekëndëshit ideoletrar. Lexuesi, jo vetëm në
letërsinë shqipe, e ka detyrimin moralopolitik ndaj shembullit
të autoritetshëm të heroit, aq sa ka Jezui ndaj Shpirtit të
Shenjtë. Nëse Arkitekti ideologjik, në rast të pandreqshëm,
nuk e arrin transponimin e plotë të heroit letrar, ngase
shkatërrimi ideologjik i protagonistit nuk i mundëson asnjë
ndërhyrje, atëherë pason akti i anatemës, dhe në fund, akti i
dëbimit përfundimtar prej gjeografisë dhe historisë shqiptare.
Arkitekti ideopolitik i suprimon të gjitha standardet
psiqike, të të gjithë banorëve të letërsisë shqipe, prej Djalit
shkapërdar e deri tek dogana ideore e Migjenit, për të krijuar
moshën e adoleshencës politike të heroit, të lexuesit dhe të
gjithë kombit. Gjendja e re politike, heroin e letërsisë, e gjithë
kombin, e locon në terrenin më idiomatik - jashtë mundësisë
së realizimit emocional. Menjëherë pas kësaj herrjeje
emocionale, Kritiku - Artkitekt i letërsisë i cakton përmasat
ideopolitike brenda zonës së trekëndëshit: Shkrimtari - Heroi -