shkarko - Syri 3

shqipe po krijonte hibridin animal politikusin? Ky shkrimtar,
as të tjerët intelektualë, ende s’janë të vetëdijshëm së këtij
populli i duhet një metaligjërim i historisë për t’u liruar vetëm
pak nga inercioni gjuhësor i animal politikusit. Edhe në
kohën e zbulesës së demokracisë nëpër trojet fort sizmike
ballkanike, por edhe në të gjitha shtetet diktatoriale të Lindjes
bizantine, mbijetojnë specia animal politicusa, si dinosaurë
politikë që edhe në të ashtuquajturen postdiktaturë e
udhëheqin politiken ballkanike. S’është e rastit, që më në
fund, Evropa e ngathët e kuptoi sipas “zbulimit” të le mondit
të qershorit të vitit 1993 se në qytetin e Beogradit ekziston
specia më e ruajtur e animal politikuesit, por edhe në
vendet tjera të tiranisë sockomuniste. Evropa mund ta studiojë
këtë specie, mund ta kuptojë evoluimin epokal të saj, por
s’mund ta kuptojë gjuhën e saj, kurrë s’mund të koordinojë
dialog me të.
Edhe shumë kohë Evropa do ta shqyrtojë me ngathtësi
senile morfopsikologjinë gjuhësore të animal politikusit, në
mënyrë që ta kuptojë alogjikën gjenetike të kësaj specie, pa
arritur të kuptojë se sa e rrezikshme do të jetë gjithmonë
specia e animal politikuesit në planetën tonë.