shkarko - Syri 3

qoftë letrare, historike, sociologjike, e deri te kënga popullore,
çvendoset nga zona e ndikimit. Fillon tkurrja e ngjarjeve
historike, e personaliteteve. Banorët e folklorit, të letërsisë, të
historisë shqiptare, shpërngulen nga zona e moralit arkaik për
t’iu përshtatur ideologjisë. Andaj këta banorë të vjetër të
letërsisë shqipe kolektivisht hyjnë në zookopshtin ideologjik.
Në këtë dyndje të madhe historikoletrare i shohim
Skënderbenë, Ismail Qemalin, Avdyl Frashërin, Hasan
Prishtinën, Mit’hat Frashërin ... Buzukun, Budin, Bogdanin,
Naimin, De Radën, e deri te shkrimtarët e intepedencës, që si
xhuxhë historikoletrarë zbresin drejt dikasterëve të Partisë për
t’u rivendosur në skutat arkivore historikoletrare, pa qenë
aspak të sigurtë se cili do të jetë vendi i tyre i caktuar nga
Goliati ideor. Në këto zyra të komiteteve të Partisë doganohet
e gjithë veprimtaria historikoletrare, e cila,. duhet ta pranojë
mëkatin gjuhësor, konceptual, mëkatin antidialektik. Të gjitha
këto personalitete, me ndrojtjen e Djalit shkapërdar e
kapërcejnë kufirin e semantikës arkaike për t’u “riatdhesuar”
në Shqipërinë e ideologjisë. Shumë prej tyre nuk arritën ta
marrin këtë nënshtetësi ideologjike dhe mbetën duke rravguar
rrugëve të botës, si sibila të humbura e të mallkuara që lektisin
për një varr në Shqipëri.
Në të gjitha tekstet shkollore, nxënësit, profesorët,
studentët, janë dresuar të pikëllohen para klaustrofobisë se
një “legjende” të misrit, por edhe të revolucionizohen për fatin
e malësorit shqiptar. Tek “Legjenda e misrit”, malësori shqiptar
bie në Shkodër, sikur një grua, për ta doganuar burrërinë e
vet. Ky malësor këmben dinjitetin e vet vetëm për njëzet e
pesë kilogram misër! Malësori shqiptar po delte nga një
legjendë për të hyrë në një legjendë tjetër: ai del nga legjenda
antike e “Lahutës ...” e hyn në legjendën klaustrofobike të
kokrrës së misrit. “Legjenda e misrit” nuk kërkoi vetëm
transponim fizik prej legjendës së parë në legjendën e dytë,
por në oborrin e “Legjendës së misrit” promovohet
qyqarllëku gjenetik i malësorit shqiptar. Populli shqiptar sipas