shkarko - Syri 3

185 Barazimi i metafizikës gjuhësore dhe metafizikës
së personazhit
bashkë me Konstantinin e vdekur. Pse jo? Energjia psiqike, e
cila fuqizohet në këtë rrugëtim, duke rritur marramenthi
hormonin mashkullor tek Doruntina shërben në të vërtetë, për
ringjalljen e ndërdijes së animusit demoniak. “Koha jonë ka
treguar se çdo të thotë të hapet dera e kësaj nëntoke” 1 )
Doruntina, në fazën e animizimit e ka poseduar këtë
energji nëntokësore psiqike, duke u shndërruar në
ekuivalencë të zhuritjes së telepatisë për shtëpinë e lindjes.
Faktorët e kësaj energjie psiqike të Doruntinës siç janë:
shajnia, telepatia, të pranuar shkencërisht si faktorë të
nëntokës psiqike, mund ta lëvizin gjithë “muzeun organik” të
individit. Rrugëtimin e Doruntinës me Kostantinin, psikologjia e
shpjegon si “animus” të femrës brenda mashkullit. Këtë alibi
të udhëtimit, me dy gjinitë brenda individit, Doruntinës ia
siguron faza e parë e “animusit” brenda mashkullit. Tri fazat
të tjera: ajo religjioze, patriotike e ideologjike grinden rreth këtij
udhëtimi të Doruntinës. Të trijat, për shkaqe politike sipas
Ismail Kadaresë, e mohojnë njëra tjetrën. Duke ngritur
procedurë gjyqësore, kush e solli Doruntinën, Kadareja e
demonizon kishën, duke e vënë në lajthim politik edhe
lexuesin. Asnjërës nga këto proçedura s’i intereson pikëllimi
zhuritës i Doruntinës por vetëm procedura e udhëtimit.
Morali patriotik dhe morali ideokomunist, sipas
transliterimit të baladës, fiktivisht, bëjnë aleancë kundër
prohibitorumit kishtar të ringjalljes duke e çvendosur
Doruntinën nga domeni i përhënjës ambigjene, për ta vënë në
domenin e programit politik. Ajo që e vë në lëvizje Kostantinin,
sipas kësaj aleance politike e patriotike, qënka forca sovrane
e besës, si specie biologjike e shqiptarit, e barabartë me
emfazën pagane. Kjo farë bese politikopatriotike ka forcë më
të madhe se lektisja përvëluese e nënës dhe të bijës! Do të
ishte shumë më njerëzore po edhe shkencore që nga tre
1 Jung, Carl Gustav “Njeriu dhe simbolet e tij”, fq.95.