shkarko - Syri 3

297 Unte paghezonte perementin Atit et Birit et
Spertit Senit
Unte paghezonte perementin Atit et Birit et
Spertit Senit
(Deri tek fjalia dinosaure politike)
“Në shumë vende si shpjegim i parë depërton qëndrimi
se ndryshimet strukturale midis dy gjuhëve janë ndryshime
vetëm të natyrës linguistike. Nga këto ndryshime s’mund të
përfundonte asgjë në rrafshin e “vizionit të botës", të cilin e
formojnë këto gjuhë" - thotë Benxhamin Li Vorfi.
Këtë shpjegim të papërfunduar, linguistët tjerë e kanë
binarizuar në relacionet gjuhë - gjuhë edhe në relacionin gjuhë
- të folur. Në rastin e parë krahasohen aftësitë vetanake të një
gjuhe për ta shprehur “vizionin e botës” kundrejt aftësive të një
gjuhe tjetër. Këtu paraqiten dy area specifica linguistica. Në
rastin e dytë, në raportin gjuhë - të folur, paraqitet “vizioni i
botës” brenda një area specifica linguistica, (brenda një gjuhe
të vetme).
Në Evropën juglindore, Babilonia gjuhësore dhe
dendësia gjuhësore e “vizionit të botës”, kushtëzojnë studim të
dyfishtë. Natyrisht se edhe Kristian Sandeldi, në librin e tij mbi
Babiloninë gjuhësore, e ka pranuar se në Ballkan areat
gjuhësore nuk specifikohen gjeografikisht, leksikografikisht e
deri diku as psikogjuhësisht. Këtu shtrohet problemi i “vizionit
të botës” për secilën gjuhë ballkanike, të cilat premtojnë me
fodullëk “vizionin siperior”.