shkarko - Syri 3

Për konkretizim po e paraqesim “Gjeneralin” e Ismail
Kadaresë pak më matematikisht:
“Gjenerali”=a+a1+a2+a3+a4+...=ax.
Të supozojmë se numerikisht ax=100 elemente
përmbajtësore të konceptit “Gjeneral”. Atëherë lexuesi
shqiptar nga njëqind elementet përmbajtësore të konceptit
“Gjeneral” do ta lexojë vetëm kodifikimin negativ politik.
Mënyra e të lexuarit të shqiptarëve del më e stërkequra në
Evropë. Nëntëdhjetë e nëntë herë lexuesi shqiptar duhet të
lajthitet për ta lexuar vetëm kodifikimin absolut politik që i ka
caktuar Partia integritetit të fjalës. Nëpërmes kësaj letërsie
socrealiste Partia aplikoi inzhinieringun e degjenerimit gjenetik
të lexuesit e të njeriut shqiptar. “Disa shembuj të metodës të
Hegelit shërbejnë si shpjegime. Argumentin e logjikës së vet e
fillon me shpjegimin se ekziston “absolutja e Qenjes së
pastër". Ne paramendojmë se ajo thjeshtë ekziston, ndonëse
nuk i përshkruhet asfarë cilësie. Por qenja e pastër, pa farë
cilësie s’është asgjë, dhe nga këtu kemi arritur deri tek
antiteza: “Absolutja është Asgjë” 1)
Sipas kësaj tautologjie mbi absoluten, letërsia
socrealiste është frymëzuar ta ndërtojë, jo vetëm Qenjen
absolute, por kryesisht qenjen e gjenetikës së degraduar
politike, sipas procedimit të negatives absolute ose të
pozitives absolute. Identiteti i qenjes anatemohej plotësisht.
Kodifikimi i fjalëkoncepteve në letërsinë socrealiste e ka
detyruar lexuesin shqiptar “ta lexojë” vetëm interpretimin e
qenjes absolute politike. I njëjti artikull gjuhësor shitet në dy
tregje - me vlera të ndryshme: tjetër vlerë gjuhësore në
Evropë e tjetër në Shqipëri. Në këtë rast, lexuesi shqiptar, si
çdo mallë tjetër, është i detyruar ta konsumojë mallin e
kontaminuar konceptual, pikërisht të gjuhës së vet amtare.
Konceptet: gjeneral, ushtri, prift, ushtar, e më në fund vdekje,
1 Rusell, Bertrand Rusell “History of western philosophy (krahasuar
me botimin 1962 në serbokroatisht fq. 703).