shkarko - Syri 3

9 Skicim për zanafillen e fjalisë
biodemokratike amerikane
Prokuratori i madh i Ferrit, Dante Aligeri, sillet në mënyrë
tepër abuzive ndaj Virgjilit, ashtu siç ishte sjellë ky i fundit ndaj
Homerit. Çdo lexues shtetëror evropian e di se ç’do të kishte
ndodhë me “Komedinë Hyjnore” të Dante Aligerit, ç’do të
kishte ndodhë me vet Dante Aligerin po ta lejonte Virgjilin “bile
për një çast të vetëm, të hyjë në Parajsë, pikërisht në atë
Parajsë, ku pa asnjëfarë pengese hyn dashnorja e Dantes,
Beatriçja, atje ku mund të hyjë çdo keqbërës i paisur me një
Indulgjencë (fletëfalje) të lëshuar nga kisha shtetërore.
Lexusei shtetas i fjalisë autoritare evropiane e di
saktësisht se po të hynte Virgjili, bile për një çast të vetëm, në
Parajsë “Komedia Hyjnore” s’do të ishte botuar, do të ishte
ndaluar, do të ishte asgjasuar që në zanafillë. Prokuratori i
Madh i letërsisë shtetërore, Dante Aligeri, duke e promovuar
ideopolitikisht Virgjilin në Ferrin e përhershëm, lexuesin –
shtetas të fjalisë evropiane e promovon përfundimisht në
pozicionin e dëgjueshmërisë politike.
Në kalkulimet e shkrimtarëve shtetërorë, të filozofëve
shtetërorë, të moralistëve shtetërorë … që nga Adami i Bibles
e Prometheu ndodhin rrebelime të kurdisura, grushtshtete të
tipit të Adamit, të Prometheut, të Brutit – Kas, të Makbetit …
qe në fillim të destinuara të dështojnë, që çpifen vetëm për t’u
arritur animimi i katarzës politike tek lexuesi – shtetas.
Ngritja dorë kundër pushtetit shtetëror siç bëjnë:
Adami, Promotheu, Bruti – Kas i Romës, Makbeti i Skocisë,
Dantoni i Francës, Pugaçovi i Rusisë, në fjalinë autoritare
shpjegohet si lexim ogur, si tundim i djallilt. Grekët e mënçur,
të quajtur poetë, krejtë teatralisht, sikur e kishin rrebeluar,
Prometheun prap ia kthejnë Zeusit. Grekët e mençur e dinin
se zëri kërcënues i Platonit – Sokrat vjen nga ushtria e policia.
Platoni – Sokrat duke e uzurpuar fjalinë politke për “Shtetin”
ua mëson evropianëve të mënçur zejen e pushtetit shtetëror: