shkarko - Syri 3

ekuivalencë të plotë. Ekuilibrin shumë koheziv të këtyre tre
shenjave e kanë aplikuar të gjithë studiuesit prej studimeve të
para të Kategorive aristoteliane e deri tek psikoanaliza
frojdiane, e më në fund në linguistikën e Ogdenit e Rikardit
(The Meaning of meaning). Po t’i qëmtojmë sipas këtij studimi
personazhet aq të standardizuara politikisht të novelës
“Përbindëshi” qoftë në funksionin mikrofigurativ qoftë në
makrotekst, sipas trekëndëshit të fortë sintaktikoletrar, këto
personazhe materializohen deri tek aftësia fizike e krimit.
Maksi, si figurë e standardizuar historikopolitike mbetet brenda
kodeksit të fortë të trekëndëshit dhe arrin të nguroset në
fizikun e diversantit për të bërë një krim të mirëfilltë fizik - ta
vrasë Ana Kurtin bashkë me të fejuarin e saj. Kuptohet, Maksi
i vret gabimisht duke i pandehur për Elenën dhe Genthin,
sepse Maksi me armën e tij antike donte të shkaktonte plagë
antike mbi sintezën grekoilire, siç ishin Elena e Genthi.
Lexuesi shqiptar, nga praktika jetësore, shumë
shekullore, do të arrijë tek teoria letrare e denoncimit të gjuhës
nëpërmes strukturës së trekëndëshit letrar. Sipas strukturimit
psikologjik e artistikopolitik, protagonistët e standardizuar të
letërsisë botërore janë të aftë të vrasin politikisht në të gjitha
skenat kohore: prej skenës trojane e deri në skenën e
socializmit shqiptar. Tautologjia e figurës politike e huazuar
nga autoriteti i “Iliadës”, tek “Përbindëshi” i Ismail Kadaresë
synon ta konsumojë psikogjuhën e Homerit dhe të shqiptarit të
ideologjizuar (vetëm me vlerë tautologjike). Në gjithë letërsinë
e përbotëshme, vëçanërisht tek ajo socialiste, katër tipeve
kryesore të strukturës gjuhësore u është rysur denigrimi
propagandistik, ku kanë pësuar më së shumti shenji -
shenjuesi, pikërisht embrioni sintaktik i gjuhës. Katër mënyrat
kryesore të spekulimit figurativogjuhësor e gjithë letërsia e
angazhuar botërore i ka paraqitur sipas: 1.Ndërrimit të fjalëve
(per mutationem); 2.Shtesa ose përsëritja e fjalës (per
adectionem); 3.Të munguarit e fjalës (per delractionem);
4.Renditja artistike, përvendosja e fjalës (per ordinem). Nëse