shkarko - Syri 3

259 Gjuha si bazë ku krijohet mendimi
Natyrisht se ky ishte realiteti i përjetuar nga vet
shkrimtari dhe nga të gjithë shtetasit e tjerë të BRSS-së.
Gerasimovi gjendet në kuptimin hapsinor brenda në burg
ndërsa e shoqja, Natalia “në liri”, - jashtë burgut. Andaj
pikërisht rrëfimi i Natalia Pavllovnës konfirmon
eksperimentalisht atë analizën e pamëshirshme të Frojdit për
ëndrrën shkatërruese. Natalien e dëbon çdo gjë, e dëbon
gjithëkush, por kjo sjellje në sockomunizëm ishte dëbim
biologjik, denoncim patologjik e politik vetëm që “të jetohej”.
Në fund të rrëfimit të Natalie Pavllovnës, prapë pason
pyetja: në cilin rreth të Ferrit gjendet Natalia Pavllovna “si
qytetare e lirë” e BRSS, e në cilin rreth të ferrit gjendet
Gerasimovi i burgosur? Natalia Pavllovna, me të gjithë
banuesit e socializmit, të quajtur sipas pushtetit të Stalinit
“qytetarë të lirë”, banojnë në Rrethin e parë të Ferrit komunist.
Prej Gerasimovit të Ljubjankes (burgut) të Moskës, e deri tek
Luciferi politik, mbesin edhe shtatë rrathë për banorët e kateve
të nëndheshme të burgut. Pikërisht për këtë fakt, duhet
renovuar arkitekturën e veprës “Rrethi i parë” të Solzhenicinit
duke e urbanizuar rrethin e parë me të gjithë shtetasit e
BRSS-së. Pra Gerasimovi i burgosur sipas urbanizimit
dantesk duhet të gjendet në rrethin e dytë të ferrit politik
ndërsa Natalia Pavllovna, si “qytetare e lirë” duhet të banojë
në rrethin e parë.
Ata trekëndëshat e rrokullisë hyjnore të Dantes: Ferri,
Purgatori, Parajsa, një pjesë të të cilëve Solzhenicini i
konsumon sipas analogjisë së procedimit policor të
totalitarizmit, anulohen si të paqënë, si antidialektikë. Do të
kemi shpjeguar edhe më parë se sockomunizmi, si diktaturë
më e përsosur në historinë e njerëzimit vetëm nga përmbajtja
e ferrit politik e krijoi trekëndëshin më të tmerrshëm policor,
qoftë në letërsi, në histori, në sociologji, e deri tek raportet më
të thjeshta jetësore: