shkarko - Syri 3

203 Evrodemokracia s’e kuptoi gjuhën e disidencës
marramendëse arkitektonikën politike, sa që njeriu shqiptar e
ndien pasigurinë mbi trollin e rrezikshëm sizmik, në prishjen e
gravitacionit politik, pa arritur as individi as kolektivi
kondicionin e ri psikofizik. Intelektuali, ish-politikani, i
burgosuri, qoftë edhe ai më ordineri, izolanti, azilanti, punëtori
“i përkohshëm” në botën e jashtme, refugjati, roja e pyllit,
ofiqari i zyrës së fshatit, roja e natës, kuriri i shkollës, nëpunësi
i Sigurimit, e kush mos tjetër, sipas thërmijave që mund të
qëmtojnë në biografitë e veta përpëliten të paraqiten si
disidentë, si të përndjekur politikë. Pas këtij kompensimi
psikomoral pason faza e “Shpëtimit” të madh patriotik e
demokratik. Fillon eksodi i demokracisë së madhe kur të gjithë
nguten të ikin nga trolli aq sizmik i atdheut, që po lëkundet nga
tërmeti antikomunist gjithëevropian. Filloi “ikja demokratike e
patriotike” individuale, kolektive, familjare, partiake, masovike;
iket e vetëm iket nga atdheu! Të gjithë shqiptarët ikin nga
historia, nga gjeografia dhe nga të gjitha entitetet kombëtare.
Iket nëpërmes tokës, nëpërmes detit, nëpërmes ajrit, liqejve,
lumejve. Kush mundet merr me vete dokumente për
verifikimin e persekutimeve politike, e dikush në vend të këtyre
dokumenteve merr me vete kujtimet e të pushkatuarve,
çkamos tjetër, për të dëshmuar disidencën politike para
Evropës plakë që i përtypte historitë e veta të thinjura. Të
gjithë shqiptarët u bënë me dy biografi, kombi u bë me nëntë
shtresa luftëtarësh të gjallë, të gatshëm për pensione
kombëtare. Kryetari i Partisë së Punës, njëherit edhe kryetar i
shtetit shqiptar me demagogjinë e politikanit sadist e dorëzoi
librezën e Partisë së Punës dhe ndodhi mrekullia e natës së
shtrigave valpurgjiane; pas pesë minutash si shtriga mbi
fshesë, kryetari i Partisë së Punës dhe kryetari i shtetit
komunist shqiptar bëhet person pa parti, e pas dhjetë
minutash ky kryetar pretendon të bëhet kryedisident në gjithë
Shqipërinë. E gjithë Partia e Punës së Shqipërisë hyn në
kongresin e shtrigave valpurgjiane dhe mrekullisht del nga ky
kongres e konvertuar në Parti “evrosocialiste”. Nga dy tre razi