shkarko - Syri 3

Arti shtetëror i letërsive të verbëra
i ngadalsoi, por nuk i ndaloi, revolucionet morale, religjioze,
patriotike, ideologjike, brenda fjalisë autoritare evropiane.
62
Në shenjen e këtyre revolucioneve pushteti rritej në
disproporcion me shtetin. Kur pushteti i Hitlerit rritej
disproprcionalisht me Gjermaninë, atëherë doemosdo lindi
pabarazia midis shtetit gjerman dhe qeverisë së Hitlerit: ose
duhej të rritej Gjermania ose duhej të zvoglohej
Hitleri.Indoktrinimi nacionalsocialist gjerman mbështetet në
tradicionalizmin e Gjermanisë kundrejtë shteteve tjera.
Meqë struktura e fjalisë diktatoriale evropiane
tradicionalisht e rritë potencën ideologjike, patriotike, fetare,
morale, të pushtetit, atëherë bëhen kryqëzata për rritjen e
shtetit. Duke u rritur pushteti – shtet zvoglohet nënshtetasi deri
në krijesë njëditëshe. Në vitin 1945 Evropa e kishte rritur
pushtetin – shtet sa e kishte shpenë veten buzë zhdukjes së
nënshtetasit. Kur ushtria amerikane zbarkoi në Sicili e pastaj
në Normandi në Evropë nuk e gjeti asnjë nënshtetas.
Presidenti Ruzvelt në gjithë Evropën i takon vetëm dy
gjysëmburra për ta kuvenduar çështjen e Evropës.
Pasi Amerika e çliroi Evropën nga vetvetja e pa se
tradicionalisht fjalia diktatoriale evropiane i takon shoqërisë së
mbyllur. Vetëm atëherë presidenti Ruzvelt e kuptoi pse
presidenti Uilson para njëzet e gjashtë vjetësh s’e kishte çelë
fjalinë autoritare evropiane.
Amerikës i takon sot ta çelë fjalinë diktatoriale
evropiane, ta çelë shoqërinë evropiane, t’i çelë në të ardhmen
e në të kaluarën Platonin – Hegel, Shën Augustini – Marks,
Niçen – Hitler …Ta shpëtojë njeriun e stërkequr pa e ngrënë
llojin e vet.