shkarko - Syri 3

119 Aplikimi policor i trekëndëshit ideologjik
gjuhësore, të vënë si distinktivë zhbirues në tabelën halleligë.
Rituali i shenjave politike zhvillohej brenda klasës së fëmijëve
të brishtë, në atmosferë të zymtë të ditës vjeshtore, aq të
njëtrajtëshme e të përgjumur. Në këtë klasë që do të bëhet
fidanishtë revolucionarësh, fëmija për herë të parë takohet me
shenjën gjuhësore të cilës duhet t’ia kuptojë ndryshimin e
brendshëm politik.
Mësuesi i kurseve ideopedagogjike, i cili përveç frikës
politike, e ka zhvilluar edhe instiktin biopolitik, shpalos para
fëmijëve të revolucionit konceptet e para ideologjike. Në
klasën e parë të shkollës fillore, instikti biopolitik i mësuesit të
kurseve tremujore, kultivon prirjet psikogjuhësore,
revolucionare, të fëmijës. Nëpërmes këtyre shenjave
gjuhësore fillojnë promovimet e para politike brenda klasës së
parë të shkollës. Seleksionimi i nxënësve bëhet në një mënyrë
që të gjithëve u duket shumë normale: nxënësit më “aktivë” e
informojnë mësuesin për “fajet” e bashkenxënësve të klasës,
gjatë kohës së pushimit midis orëve të mësimit, kur mësuesi
nuk ka qenë në klasë. Është shumë sinjifikative se si e
transformon nxënësi “aktivë” atë “fajin” e tjetrit. Në këtë
determinim psikogjuhësor të nxënësit revolucionar ndihmojnë
edhe prirjet gjenetike të nxënësit “aktivë”. Nxënësi që “e
transmeton fajin” e bashkënxënësit tjetër, me bekimin e
mësuesit, promovohet në kryesinë e klasës. Detyra e këtyre
nxënësve “aktivë” është ta konsolidojnë pushtetin politik
brenda klasës. Por mësuesi, para se të bëjë promovimin
politik të këtij nxënësi do të kërkojë nga komiteti i shkollës që,
ta verifikojë pastërtinë moralopolitike të familjes të nxënësit.
Nëse ky nxënës e kalon edhe këtë pengesë, avancohet
politikisht në tërë korridorin e shkollës, që më vonë të zgjidhet
kryetar i rinisë për tërë shkollën. Natyrisht se aktiviteti ia
mundëson të zgjidhet anëtar i Partisë. Sipas këtij sistemi ky
nxënës me kalimin e kohës bëhet kuadër i Partisë sipas
rekomandimeve të komitetit komunal; pastaj i rritur në frymën