shkarko - Syri 3

Arti shtetëror i letërsive të verbëra
320
Rilindasit pretendonin, për hir të bashkimit
gjithëkombëtar, t’i rrafshonin të gjitha dallimet, sado të vogla të
kenë qenë: dallimet fetare, dialektore, alfabetin ... . Natyrisht
se rilindasit të gjitha këto dallime përpiqeshin t’i mënjanonin,
kund me durim e kund me pa durim, për ta bashkuar atdheun,
gjuhën, alfabetin dhe të gjitha entitetet tjera që e përbëjnë një
komb. Ishte e natyrshme që në këto dallime të vërehej njëfarë
shtresimi i ndasive midis shqiptarëve, i cili me disa vështirësi
filloi të tejkalohet që në Kongresin e Manastirit.
Çdo gjë do të zhvillohej pak më normalisht në historinë
e shqiptarëve sikur perënditë komuniste të mos e venin
historinë, gjuhën, letërsinë e gjithë kulturën shqiptare në
shtratin e Prokrustit sockomunist. Historia, gjuha, letërsia, e të
gjitha entitetet kombëtare, vëçanërisht FJALA, nuk u
përshtateshin përmasave të Prokrustit sockomunist. Fjalës së
gjuhës shqipe që lëngonte historikisht ia vrante këmbën
këpuca komuniste. Për t’i qëndruar besnikë internacionalizmit
proletar, komunistët shqiptarë e nxorën në ankand Shqipërinë
e katandisur jashtë gjuhës. Kandidat kryesor për ta “blerë”
shumë lirë, ishtë Jugosllavia. Perënditë tjerë, si Stalini apo
Mao Ce Duni kishin pretendime kontinentale e planetore.
Andaj Shqipëria mbeti si një ngastër e vogël midis tigrave
prokomunistë të cilëve Stalini u tha: “gëlltiteni!”. Në historinë
e shqiptarëve mungon FJALA e shpjegimit shkencor të
“konfliktit” politikoideologjik të vitit 1948 midis Shqipërisë e
Jugosllavisë. Ky shpjegim s’do t’i mjaftojë kurrë historisë së
vërtetë shqiptare!
Në historinë e shqiptarëve mundon FJALA poashtu e
shpjegimit shkencor për “konfliktin” ideologjik midis Shqipërisë
dhe BRSS-së në vitin 1960.
Në shkencën e paqenë të historisë shqiptare, sikur për
të gjitha rastet e tjera, s’u gjet argumenti i quajtur FJALË, që ta
shpjegojë konfliktin ideologjik kinezoshqiptar të vitit 1975, apo
pse sockomunizmi shqiptar e kapërcei Murin kinez për të
gjetur mikun në xhunglat e Vietnamit. Mungojnë argumentet