shkarko - Syri 3

201 Evrodemokracia s’e kuptoi gjuhën e disidencës
këndi A = shkrimtari, socializmi, animizimi politik i fjalës ...
këndi B = personazhi, entropia predikative, aplikimi politik i
fjalës ...
këndi C = lexuesi, punëtori, kuptimi politik i fjalës ...
Të gjithë krijuesit e letërsisë e të lëmive të tjera, me të
drejtën e të pashpresit, e kuptuan këtë trekëndësh, jo vetëm si
model të procedimit, por njëherit e konsideruan edhe mbyllje
të derës së fundit të historisë. Të mendohej se ekziston diç
tjetër përtej këtij trekëndëshi ishte herezi apokaliptike. Askush
më, nuk besonte në ndodhjen e mrekullisë.
Mrekullia ndodhi për habinë e të gjithëve. S’është e
rrugës të konstatojmë si ndodhi mrekullia, pse ndodhi, sa
ndodhi. Bota për herë të parë në historinë e saj po veneron
me habi miturake eksperimentin e çvendosjes së totalitarizmit
dhe nisjes së gjysmës së botës drejt demokracisë së
papërjetuar. Njerëzimi po dilte nga pushteti i faraonëve për t’u
nisur drejt lirisë së premtuar. Por njeriu më së vështiri e ka të
dalë nga inzhinieringu gjenetik. Sot bota, ajo që e quan veten
demokratike, duhet të kuptojë se Mihail Gorbaçovi dëshiroi
vetëm disa reforma të pjesëshme; disa renovime në
socializëm, në mënyrën që ta modernizojë, ta forcojë po atë
socializën rus që e kishte marrë trashëgim. Ai nuk e kishte as
idenë as përvojën, se një nismë të vogël të këtij eksperimenti
e kishte bërë dikur edhe Hrushovi por vet ai u detyrua ta
ndalojë këtë eksperiment, kur e pa inercionin e kësaj nisme.
Për çudinë e të gjithë atyre që e njohin Gorbaçovin çuditën me
demagogjinë e tij. Sot kur më s’ka shpresë pushteti, deklaroi:
“Socializmi ka qenë një utopi”. Sikur kështu të kishte menduar
gjithmonë, as teoretikisht as praktikisht s’do të kishte arritur
funksione partiake në një hierarki aq burokratike. Ai don t’u
prijë të gjithë disidentëve të paqenë në totalitarizmin
ideokomunist.
“Disidenti” më i njohur i totalitarizmave të lindjes,
Aleksandër Solzhenicin, pas njëzet vjetësh qëndrimi në
demokracinë perëndimore, ka shprehur vullnetin të kthehet në