shkarko - Syri 3

Arti shtetëror i letërsive të verbëra
80
sipas metodologjisë së trekëndëshit ideoletrar studiohet
“Shërimi” moral, ortodoks e patriotik i Raskolnikovit.
Trinia e religjionit qëndron midis tre faktorëve
psikanalitikë, të inkarnuar brenda individit dhe metodologjisë
së trekëndëshit ideoletrar të ndikimit. Ati-Biri-Shpirti i Shenjtë
janë tri nocione të inkarnuara psikanalitikisht por janë edhe
faktorë të trekëndëshit ideobiblik, të aftë për ndikim dhe për
“shërim”.
Andaj e gjithë letërsia botërore mbështetet, kund më
shumë e kund më pak, në inkarnimin religjioz, në
metodologjinë e trekëndëshit letrar dhe në lucida momenta të
psikanalizës. Meqë në këtë rast flasim për efektet e letërsisë,
duhet të “zbulojmë” se që nga zanafilla, letërsia i ka dhënë
rëndësi primare faktorit të tretë: përjetimit të ndikuar, Shpirtit të
Shenjtë dhe më në fund, ndikimit të përhershëm mbi lexuesin.
Që në zanafillën e parë, të formës letrare të miteve të lashta,
është përvijosur, krahas personazhit hyjnor edhe trekëndëshi i
parë i ndikimit mbi lexuesin, për t’u përforcuar tmerrësisht
gjatë historisë deri tek ideologjia e fundit sockomuniste.