shkarko - Syri 3

Arti shtetëror i letërsive të verbëra
68
Ky sfidim s’ guxon ta bëjë gjumin e mermert në përkundjen e
historisë. Secili le të jetë ai që është lindur - thotë demokracia.
Në këtë libër s’do të flasim për individin, edhe pse,
mbase, mbase ndokush do të mendojë se i është përmednur
emri. Në e beson Zotin ai s’ është përmendur, ai s’ është
individi. Qëllimi i librit është të vërtetojë se në mënyrë të
veçantë në sockomunizëm nuk kemi ekzistuar as
individualisht as kolektivisht, përveç instiktit biologjik. Kishte
arritur koha e mohimit përveç instiktit biologjik. Epidemia e
mohit e kishte përfshirë gjysmën e planetës. Mjerë për të
fyerin: ai mashtrohet se ka ekzistuar në Babelin sockomunist,
se paska qenë njeri me emër e mbiemër. Ky është mashtrimi
që s’e lë njeriun të shërohet kurrë.
Në këtë libër do t’ i shqyrtojmë pleksjet metodologjike,
historike, të cilave gjuha shqipe është orvatur t’ u rezistojë me
natyrën e saj biohistorike. S’do t’i konsiderojmë aq gërryese
huazimet apo ndikimet e rrugës së ndërsjellë të gjuhëve të
Siujdhesës Ilirike. Këto raporte studimet gjuhësore i kanë
pranuar si të ligjshme në areat leksikore e gramatikore duke u
ngjitur aq mundimshëm deri tek trashëgimia indoevropiane.
Ligjshmëria e kohës, e kontakteve hapsinore, i ka kryer
proçeset e bashkimeve gjuhësore brenda grupeve, siç thotë
edhe vet Sandfeldi për “grupin gjerman”, për “grupin roman”,
në “Linguitique balkanique”, si një tendencë grupimi
ekstrateritorial. Në këtë libër do të përpiqemi ta prekim atë
tinzaren, brejtësen brenda fjalës, brenda tekstit, si rravizuese
e psiqikës së tipizimit të të gjitha kohërave.
Koha e gjatë, i huqi të gjitha shenjimet: fjalën e gjuhës
shqipe e nxori prej etimologjisë duke e shpënë drejt
spekulimeve ideologjike për ta shterruar konceptualisht,
logjikogramatikisht, semantikisht ..., më në fund duke e
katandisur në shënjues të vetëm të diktaturës sockomuniste.
Sot, kur po i rrekemi shpëtimit nga cenzura, kund sinqerisht e
kund plot me hile, janë mpleksur deri në dëshprim kriteret
gjuhësore, artistike, tipologjike e politike. Është bërë e