shkarko - Syri 3

129 Aplikimi policor i trekëndëshit ideologjik
shtetëror vazhdoi aleancën me UDB-në jugosllave. Sigurimi
shqiptar kërkonte nga UDB-ja jugosllave kosovarë të
komprometuar, që t’i shpallte të arratisur në Shqipëri. Këta
persona analfabetë, që dikur në Kosovë kishin mbajtur poste
partiake e, që më UDB-së s’i duheshin, iu dorëzuan Sigurimit
shqiptar, të cilët me decenie qëndruan nëpër burgjet e
Shqipërisë, duke arritur të bëhen denoncues të ndërsjellë
profesionistë të Kosovarëve në Shqipëri. Në anën tjetër të
kufirit, UDB-ja çdo ditë burgoste njerëz me akuzën se u vinin
natën ata “diversantë”, të cilët UDB-ja i kishte dorëzuar tek
Sigurimi shqiptar.
Në këtë mënyrë të elaborimit, në Beograd e Tiranë, tek
shqiptarët tentohej të kultivohej gjenetika gjuhësore e dyfishtë
hibride, siç veprohej me minjtë e “kacës mesjetare”.
Natyrisht, ka njerëz që s’e kanë lexuar këtë metodë,
dhe mirë kanë bërë që s’e kanë ditur trishtimin e saj. Jemi të
detyruar ta shpjegojmë metodën e hibridizimit gjenetik
mesjetar të këtij brejtësi të urryer, që do ta quajmë
kambializëm përtej shenjit ideogjuhësor: në mesjetë hidheshin
në fundin e thellë të një kace disa minj. Aty gjithë kohën
liheshin pa ushqim. Instikti i fortë i urisë i shtynte ta hanë llojin
e vet, deri sa në fund të kacës mbetej një i vetëm; pasi i
kishte ngrënë të gjithë të tjerët. Ky mi, monstrum, pas këtij
eksperimenti e hante vetëm llojin e vet dhe, më në fund
nxjerrej nga kaca për t’i shfarosur minjtë e tjerë të shtëpisë. Ky
është quajtur “eksperiment i shkatërrimit gjenetik” .
Do të na dukej e dhembshme të bëjmë një krahasim
me hibridizimin gjenetikogjuhësor të njeriut të sockomunizmit.
Eksperimentet u bënë në megamedium, sipas egoizmit të
njeriut: në letërsi sipas lojalitetit politik të shkrimtarit, në
gjuhësi sipas hapsirës prokrustiane të shenjit gjuhësor...
Sot, ne mund të llomotisim në mënyrë të papërgjegjësi
për çkado, por a mund ta mohojmë një periudhë
shumëvjeçare, kur askush s’mund t’i besonte askujt, kur të